Тенис
10. August 2016 - 18:09

Полуфинале во двојки за Јотовски на фјучрсот во Нови Сад

Македонскиот тенисер Томислав Јотовски заедно со Небојша Периќ од Србија како први носители со многу напор успејаа да се пласираат во полуфиналето на фјучрсот во Нови Сад. Тие попладнево го загубија првиот сет од италијанските тенисери Матиа Бедоло иЕдоардо Тромбин со 6:2 во гемови, а го добија вториот со 6:3 и се изборија за решавачки сет. На поени во третиот сет беше убедливо 10:5.

Денеска во мечот од 1.коло од сингл нашиот тенисер Горазд Србљак загуби со 2-1 од осмиот носител Нермин Фатиќ (БиХ). Србљак поведе со 1-0 го доби сетот со 6:3 во гемови, а следните два ги загуби со 6:4 и 6:0.
Вчера во сингл беше поразен и Јотовски кој загуби од Лука Илиќ од Србија 2-1 (6:3; 6:7 (1:7) и 6:0).