Полскиот парламент отфрли нацрт закон за целосна забрана за абортус | Сител Телевизија
Свет
6. October 2016 - 12:52

Полскиот парламент отфрли нацрт закон за целосна забрана за абортус

Полскиот парламент отфрли денеска нацрт закон со кој се предвидуваше целосна забрана за абортус откако жени организираа масовни протести ширум државата.

Десничарските и либерални парламентарци во 450-члениот Долен дом здружија сили и гласаа со 353 „за“ и 58 гласови „против“ спорниот нацрт закон. Осумнаесет пратеници беа воздржани.

Комитетот на полскиот парламент за правда и човекови права го отфрли вчера тој законски проект и повикаа парламентот да го направат истото по масовните протести на жените во државата.

Владејачката десничарска Партија на законот и правдата која има мнозинство во парламентот е во принцип за забрана на абортусот, но нејзините лидери станаа свесни дека мнозинството жители на државата го поддржуваат актуелниот закон кој дозволува абортус во одредени случаи, наведуваат западни медиуми.