Македонија
17. January 2022 - 16:00

Полн камион отпадоци, фрлени клупи во езерцето и превртен мобилен тоалет по сончевиот викенд во Градски парк

Јавно претпријатие „Паркови и зеленило“ - Скопје на Фејсбук сподели фотографии од како што велат вандализам во Градскиот парк.

- Вандализам во Градски парк!

Изминатиот сончев викенд ја зголеми посетеноста во Градскиот парк што придонесе нашите екипи да соберат еден полн камион со отпадоци кои посетителите ги оставија зад себе.

Како ова да не беше доволно, утрово наидовме на три фрлени клупи во езерцето во Првиот дел на паркот по што веднаш ги извадивме , додека во Вториот дел затекнавме превртена мобилна тоалетна кабина.

Упатуваме АПЕЛ до сите граѓани да не фрлаат ѓубре и совесно да ги користат и чуваат парковските елементи при посета на парковите и да се грижат за природата која е од огромно значење за сите нас. - стои во објавата на ЈП „Паркови и зеленило“ - Скопје.