„Политика“: Првите обвиненија за злосторствата на ОВК до крајот на годинава
Првите обвиненија за извршени воени злосторства од страна на Ослободителната војска на Косово (ОВК) веројатно ќе бидат подигнати до крајот на годинава, пишува белградскиот весник „Политика“, додавајќи дека, според неофицијални информации од Фондот за хуманитарно право, досега се подготвени обвиненија против осум лица.
- Главниот обвинител на Специјалниот суд за истражување на воени злосторства врз Срби извршени на Косово во периодот 1998 и 1999 година, Дејвид Швендиман најверојатно до крајот на годинава ќе ги подигне првите обвиненија против припадници на ОВК, осомничени за трговија со човечки органи. Тој најави продолжување на спроведувањето истрага и дека наскоро ќе го посети регионот, наведува весникот.
Според неофицијалните сознанија на Немања Стјепановиќ од Фондот за хуманитарно право, досега се подготвени обвиненија против осум лица. Тој истакна дека информациите за обвиненијата не се соопштуваат во јавност од безбедносни причини, а најголем предизвик за обвинителите на Специјалниот суд ќе биде заштитата на сведоците, на кои треба да им се гарантира целосна безбедност.
Најстрогата казна која Специјалниот суд може да му ја изрече на осудено лице е доживотен затвор.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово