Политички лидери од регионот и Европа му го честитаат изборот на премиерот Заев
Писма со честитки за изборот за премиер на Република Македонија се уште пристигнуваат до претседателот на Владата Зоран Заев, соопшти денеска неговиот Кабинет.
Генералниот секретар на Обединетите нации Антонио Гутереш во честитката до Заев ги поздравува програмските определби на новата македонска Влада за продлабочување на европските вредности, а посебно ја истакнува визијата на премиерот за реформи во правосудството и возобновување на добрососедските односи.
Премиерот на Република Турција Бинали Јилдирим, пак, искажува уверување дека постои заедничка волја за зајакнување на односите меѓу двете земји, на билатерален и меѓународен план.
Од името на Владата на Република Словенија и од негово лично име, честитка за изборот на Заев испрати и премиерот Миро Церар, кој во своето писмо вели дека е задоволен што односите на двете земји се пријателски и дека продолжуваат да се развиваат во истиот дух на сите нивоа.
Писмо со честитки до премиерот Зоран Заев упати и премиерот на Република Црна Гора, кој воедно изразува уверување дека премиерот Заев и новата Влада ќе ги насочат своите напори кон развој и просперитет во евроатлантските вредности и цели.
Честитки и писма на добри намери за изборот на Заев пристигнаа и од амбасадорот на Босна и Херцеговина Денис Звиздиќ, како и од претседателството на Општина Бјело Поље, Република Црна Гора.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри