Македонија
24. October 2019 - 11:50

Политичарите свесно оставаат дупки во Законите за да може да се вработуваат блиски луѓе

Се уште царува непотизмот во државата. 46 точки во 20 закони се критични и можат да се злоупотребуваат при вработувањата во државната и јавната администрација. Се уште е мал бројот на предмети од Антикорупциската комисија кои се процесуираат во Јавното Обвинителство.
 
Од Транспаренси Интернешнл велат дека сите политички субјекти при носењето на законите оставале „дупки“ кои можат да се користат во нивна пола при вработувањата. Според членот на Антикорупциска, Софка Пејовска-Дојчиновска најмногу непотизам има во здравството бидејќи директорите имаат дискреционо право да одберат кој од кандидатите ќе го вработат.
 
Дојчиновска вели дека до ДКСК секојдневно пристигнуваат пријави поврзани со непотизам, но не ја знаеше точната бројка на отворени предмети.
 
Освен дупките во системот, голем проблем е неимплементацијата на законите од страна на институциите.
Даниел Василев