Полицијата употреби солзавец врз демонстрантите во Хонг Конг
Полицијата на Хонг Конг при денешните протести употреби солзавец откако демонстрантите претходно фрлаа молотови коктели.
Исто така полицијата преку мегафон ги повика демонстрантите да се разотидат.
Повеќе илјади демонстранти, од кои поголемиот број носеа маски и покрај неодамна воведената забрана за покривање на лицата за време на јавните собири, денеска повторно излегоа на улиците на Хонг Конг, иако полицијата забрани протести.
Демонстрантите носеа транспаренти „Ослободете го Хонг Конг“, а на еден ѕид осамна графит „Подобро мртов отколку црвен“.
Полицијата го прогласи маршот во округот Каулун за нелегален, што значи дека учесниците во протестот можат да бидат уапсени.
Во округот Каулун изминатите недели се случија најголемите судири помеѓу демонстрантите и полицијата.
Демонстрантите се лути на лидерката на Хонг Конг, Кери Лам поради нејзиниот неуспех да ги заштити нивните слободи од централните власти во Пекинг, поради воведувања на овластувања од времето на колонијализмот, како и поради употреба на прекумерна сила од страна на полицијата.
Ново на Сител
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата
-
Приватните специјализанти на протест – нема корекција на плати пред избори, им вратија надлежните