Полицијата ќе вежба во специјално опремена „куќа за пукање“ донација од САД
Припадниците на полицијата од денеска ќе имаат можност да ги унапредуваат своите вештини во новиот објект за тактички вежви-куќа за пукање, во полицискиот комплекс во Ѓорче Петров. Објектот е донација на Владата на САД во визнос од 900 илјади долари.
Објектот го отворија министерот за внатрешни работи Оливер Спасовски и амбасадорот на САД во Македонија Џес Бејли кој потенцираше дека овој објект за тактички вежби е наменет да им помогне на професионалците за спроведување на законот во Македонија за тие подобро да им служат на граѓаните.
Министерот Спасовски изрази благодарност за соработката и пријателството со претставниците на Меѓународната програма за обука и помош при вршење кривични истраги (ИЦИТАП) и Европската Команда (ЕУКОМ) и нагласи дека САД и Македонија имаат многу полиња на заеднички интерес и меѓусебна поддршка
- Едно од клучните полиња на поддршка се обуките и донирањето на опрема кои се насочени кон засилување на професионалните капацитети на полицијата. Нашите досегашните заеднички ангажмани претставуваат одличен пример за искрена соработка и пријателство, рече Спасовски.
Куќата за пукање е изградена од челична конструкција, има приземје и подрум, а обезбедена е и платформа за визуелно набљудување. Во куќата ќе има 50-тина камери кои ќе ги снимаат вежбите при што во посебен објект во непосредна близина ќе бидат разгледувани и оценувани.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри