Овој Американец до крајот на животот мирно живеел како Тони Пастини ако на 3. февруари не загинеше при падот на авион „цесна“ во округот Оринџ.
На местото на несреќата е пронајдена и полициска значка, меѓутоа клопчето почна да се одмотува. Утврдено е дека Тони никогаш не бил полицаец. Значката која ја користел е пријавена како исчезната далечната 1978 година.
Секогаш зборувал за полициската служба, а во неговиот ресторан се собирале многу полицајци.
Неговиот роднина Гери Вилис тврди дека неговиот вујко бил „вистински полицаец“ и дека имал совршено добри причини да го промени името. Тој, меѓутоа не ги навел причините, што укажува дека вујкото сакал да започне нов живот откако ја напуштил полициската работа.
Истрагата за падот на авионот би можела да потрае 18 месеци и веројатно нашироко ќе се зборува за личноста на Пастини, кој и управувал со цесната.
Инаку, кога Пастини отворил ланец ресторани на почетокот од деведесетите во Невада, отворено се фалел со полициското минато. Рекол дека бил детектив и дека се пензионирал по 17 години работа во чикашката полиција. Дури за еден весник изјавил дека бил маринец кој бил стациониран во Јапонија, што било негирано од морнаричките власти.
Во почетокот на 90-тите го запознал Денис Хоф, сопственик на легални бордели во Невада, пред овој да стане славен благодарени на емисијата за неговите јавни куќи и кампањата за државен парламент во која освои гласови иако во меѓувреме почина.
До 70-тите години имал пумпа, шлеп и стерео компанија. Исто така и возел мали авиони. Неговата приказна и натаму е полна со непознати детали, а единствената чичност која знае се, загина на почетокот на февруари во „цесната“.
