Полицаец се заканувал: „Сите ќе ве убијам ако ќерка ми не положи за возачка“
Во 13 часот во Полициска станица Кавадарци, 41-годишната С.Н. од Кавадарци вработена како Претседател на испитен центар во „Здружение на возачи“-Велес, и 34-годишниот Ц.П. од Неготино вработен како контролор за полагање на возачки испит при испитниот центар, пријавиле дека околу 12 часот во службените простории на испитниот центар лоциран на улицата „Тиквешко Востание“-Кавадарци, дошол Ј.К. кој инаку е полициски службеник во Полициска станица Кавадарци и почнал да упатува закани кон нив.
Полицијата информира дека причина било тоа што неговата ќерка не го положила возачкиот испит.
Ј.К. пред да излезе од канцеларијата се заканил на С.Н. и Ц.П. дека ќе ги убиел со пиштол нив и останатите од комисијата, доколку неговата ќерка не го положи возачкиот испит, по што излегол од канцеларијата. За кратко време повторно влегол внатре и физички ги нападнал, но истите заедно со нивната колешка М.И. успеале да го отргнат и изнесат Ј.К. во ходникот, каде истиот почнал да упатува закани дека ќе оди да го земе пиштолот со кој ќе ги убие.
По превземени мерки од Ј.К. со потврда за привремено одземени предмети одземено му е службеното оружје и муниција. Против истиот ќе биде поднесена пријава за сторено кривично дело „насилство“ по чл.386 став 3 од КЗ на РМ.
За настанот запознает e Одделот за внатрешна контрола, криминалистички работи и професионални стандарди кои преземаат соодветни мерки.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април