Свет
15. April 2019 - 21:45

Покрената истрага за причината на пожарот во црквата Нотр Дам

Париското Обвинителство почна истрага за пожарот кој вечерва избувна во средновековната катедрала Нотр Дам во Париз.

Неофицијално се претпоставува дека пожарот е поврзан со реновирањето на катедралата.

– Сè гори, ништо нема да остане, изјави портпаролот на Нотр Дам Андре Фино.

Заменикот градоначалник на Париз Емануел Грегоар изјави дека специјални тимови се обидуваат да ги спасат уметничките и други непроценливи дела кои се наоѓаат во катедралата. Тој оцени дека Богородичната црква претрпела „колосална штета“.

Новинарот на Фигаро известува дека во близина на пожарот се собираат луѓе кои плачат и се прегрнуваат.