Погубен кинескиот Џек Мевосек: Девојки силувал до смрт и ги сакател, серискиот убиец (54) го ловеа со децении

Смртната казна утрово го стигна серискиот убиец познат како Џек Мевосек, 30 години по првото извршено монструозно злосторство.

Гао Ченгјонг (54), кој убил 11 жени, е погубен утрово, што потврди судот во Баијун, во покраината Гансу на северозападот од земјата, кој го осуди на смрт во март минатата година.

Кинескиот Мевосек ограбил, силувал и убил 11 жени во периодот од 1988 и 2002 година во Гансу и соседниот регион, а полицијата го ловеше со години.

Убиецот целел млади жени и девојки кои често ги силувал до смрт, а потоа ги сакател нивните тела. Како што е речено на суд, покрај вадењето на утробата, убиецот на жртвите им ги сечел дланките, ушите и гениталиите. Често, како што се наведува, мета му биле жени што носеле црвено.