Погребот на филипинско момче се претвори во протест против претседателот Дутерте
Илјадници Филипинци протестираа со барање да престанат егзекуциите без судење на погребот на Кијан Делос Сантос, кој беше застрелан од полицаец. Погребот се претвори во најголем протест против бруталната војна против дрогата, предводена од филипинскиот претседател Родриго Дутерте.
17-годишниот Сантос беше убиен минатата недела, што доведе до протести против контроверзната кампања Дутерте за елиминирање на трговијата со дрога.
Според демонстрантите, смртта на младиот човек повторно го потврдува константното кршење на човековите права извршени од страна на полицијата.
Полицијата објави дека тие ликвидирале 3.500 луѓе по преземањето на функцијата во Дутере пред 15 месеци. Илјадници други загинаа во злосторства поврзани со дрога, како и под необјаснети околности.
Анкетите за јавното мислење покажуваат дека мнозинството Филипинци, очајни поради големиот криминал и бавниот судски систем, ја поддржуваат војната против дрогата. Убиството на Сантос, син на трговец и мајка-имигрант која работела како слугинка, се појави на насловната страница на сите весници и предизвика огорченост на населението.
Полицијата соопшти дека тој бил шверцер на дрога и при апсењето пукал кон полицијата. Снимките на безбедносната камера, сепак, покажуваат дека двајца полицајци влечат невооружено момче, пред тој да биде убиен.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто