Погребник од Гостивар обвинува дека починати од Ковид-19 се преземаат без почитување на прописите
Сопственик на погребно претпријатие од Гостивар се пожали дека неодговорни поединци во гостиварската болница и погребници грубо ги кршат прописите за преземање на телата на лица кои починале од последици на Ковид-19. Тој се сомнева дека во целата работа има корупција и премолчена согласност на некои џамиски одбори кои се задолжени за погребување.
Лирим Кадриу, сопственик на погребното претпријатие „Ахирет“ кое меѓу останатите услуги организира транспорт и погреб на лица починати од последици предизвикани од корона вирусот, е револтиран и бара од надлежните институции да го истражат случајот.
– Не може туку така да влезе ако за тоа нема поддршка од внатре, од некој од вработени во болницата. Таму некој ќе стави во џеб петстотини или илјада денари и ќе ја отвори вратата. Ова не може да биде ништо освен крадење на мртовец. Освен што ги кршат процедурите, ни прават директна штета. Ние кои работиме со лиценца, со посебни заштитни мерки мора да чекаме со часови, а некој ноќе ќе дојде и ќе го земе покојникот. Најопасно е тоа што се дозволува, со телата на заразените да ракуваат лица кои за тоа немаат дозвола, ниту смеат да го прават тоа. На таков начин ја шират и заразата. Само минатата недела, на ваков начин најмалку шест тела се изнесени и погребани, вели Кадриу.
Тој посочува дека, починатите од болничката капела може да изнесат откако ќе се исполнат формулари кои се дел од процедурите опфатени со закон. Од почетокот на пандемијата, особено е важно погребувањето на починати од Ковид-19 да се одвива според протоколи. Ова го знаат сите, вели тој, а за непочитување на прописите знаат и молчат од надлежните служби и џамиските одбори.
Од општата болница „Ферид Мурад“ не ги коментираат наводите на погребникот, а реакција нема ниту од локалното муфтиство.
Проблеми со нарушување на правилата за погребување се појавија и летово. Јавноста беше шокирана кога во близина на градските гробишта и локалната депонија се појавија погребни ковчези. Кој и зошто ги расфрлал сè уште не се знае.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка