Поднесено обвинение за кражба во автобус
Основното јавно обвинителство Скопје поднесе обвинителен предлог против лице на возраст од 59 години за кражба во автобус.
Како што соопшти Јавното обвинителство, обвинетиот на 21 јануари, искористувајќи ја турканицата во автобус кој се движел по булеварот „Партизански одреди“, одзел паричник во кој се наоѓале 1.200 денари, лични документи, една дебитна картичка во сопственост на оштетената, како и една дебитна картичка сопственост на нејзиниот сопруг со лист хартија на која бил запишан пин-кодот од картичката.
Откако се симнал од автобусот, обвинетиот влегол во аптека и со картичката купил стока во износ од 3.165 денари. Потоа, на банкомат направил седум успешни трансакции и подигнал вкупен износ од 35.000 денари. Со ова, обвинетиот се стекнал со вкупна противправна имотна корист од 39.365 денари.
Надлежниот јавен обвинител, имајќи ја предвид запретената казна за кривичното дело, општествената опасност и зачестеноста на ваквиот вид кривични дела, како и фактот дека обвинетиот е специјален повратник, процени дека во конкретниот случај постои опасност од бегство или криење со цел да се избегне кривичната одговорност. Од тие причини, јавниот обвинител на Основниот кривичен суд Скопје му предложи да ја продолжи претходно определената мерка притвор како неопходна за непречено водење на кривичната постапка.
Ново на Сител
-
ЈО: До затворање на избирачките места не е пристигната ниту една пријава за кривично дело поврзано со изборите
-
Три случаи на фотографирање и два случаи на кинење на гласачкото ливче, соопштува МВР
-
Муцунски: Овој ден е почеток на крајот на оваа власт
-
48% од гласачите гласале до 18.30 часот
-
Арбен Таравари: Граѓаните масовно излегуваат, што е добар знак за опозицијата
-
Стевчо Јакимовски: Најголема штета се прави на Македонија, ако не се излегува да се гласа
-
Билјана Ванковска: Првиот и најважен чекор е граѓаните да гласаат, а каков избор ќе направат ќе видиме вечер
-
Максим Димитриевски: Посакувам да победи демократијата и Македонија