Подгответе се: Следната недела екстремен топлотен бран во Европа
Според предвидувањата на метеоролошките експерти вклучени во следење на промените во атмосферата, во наредниот период одредени градови во Европа буквално ќе вријат од топлина.
Предвидените температури, според експертите, ќе бидат за 12-16 степени над просечните за овој период во јуни. Како што е наведено, температурата ќе го достигне својот дневен максимум во попладневните часови.
Топлотниот бран од северозападна Африка ќе се движи преку Шпанија и Португалија и ќе зафати голем дел од западна и централна Европа. Тој ќе донесе температури, кои се повисоки за десет степени од просечните, поради што во многу делови на Франција и Германија ќе биде над 35 степени Целзиусови, а понекогаш дури и 40. Зголемувањето на температурата ќе го почувствуваат и жителите на Корзика, како и оние во јужниот и западниот дел на Италија
На удар на силен топлотен бран ќе бидат Шпанија, Португалија, Германија, Франција и земјите од Бенелукс.
Во Грција, Црна Гора, Турција и Хрватска, температурите ќе бидат просечни за овој период од годината.
Почнувајќи од понеделник, во текот на следната недела, до викендот, топлотниот бран што доаѓа од северозападна Африка, ќе погоди повеќе западно- европски метрополи, а максималната температура ќе биде околу 40 степени Целзиусови.
Ново на Сител
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште