Поддршка за номинацијата на Заев и Ципрас за Нобел од 33 европратеници од 16 земји
По прв пат на Балканот со покажано лидерство се постигнува ваков иновативен договор, пишуваат 33 европратеници од 16 земји и шест политички групи од Европскиот Парламент, во писмото до Норвешкиот комитет за Нобел, со кое ја поддржуваат иницијативата на Видед Бушамауи од Тунис, премиерите Зоран Заев и Алексис Ципрас да бидат добитници на Нобеловата награда за мир за 2019.
Писмото потпишано и од тројца европратеници од СИРИЗА, во целост го објави и грчката новинска агенција АНА-МПА и европратеникот Димитрис Пападимулис на неговиот официјален сајт, јави дописничката на МИА од Атина.
Потписниците велат дека се апсолутно убедени оти „предлогот на госпоѓа Бушамауи е правилен пристап и има големо значење, особено земајќи ги предвид сложените разлики во регионот на Западен Балкан, што многу страдаше од војните“.
-Ова е прв пат на Балканот да се постигне таков иновативен договор. И двајцата премиери го направија овој чекор напред, имајќи голем домашен притисок, а дека на крај стигнаа до таков позитивен резултат, се должи на нивното лидерство. Нивната номинација за Нобеловата награда за мир, испраќа порака до сите дека храброста и прогресивното размислување над националните граници треба да бидат наградени, пишуваат европтатениците во нивното писмо во кое објаснуваат зошто ја поддржуваат номинацијата на двајцата премиери.
Тие сметаат дека Нобеловата награда ќе им даде поддршка на Зоран Заев и Алексис Ципрас „во процесот на помирување и прифаќање на договорот во нивните земји“, но и дека ќе ги охрабри и другите да го следат конкретниот пример и да придонесат за мирно соседство.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп