Поддршка од ЕБОР за компанијата „Брако“
Европската банка за обнова и развој (ЕБОР) ќе и додели два милиони евра кредит на македонската компанија „Брако“ за инвестиции во нова енергетски ефикасна и современа опрема запроизводство на жичани производи и за преработка на метал.
Претставничката на ЕБОР во Македонија, Анка Јоана Јонеску изрази надеж дека финансирањето на овој проект ќе и помогне на компанијата да го зајакне портфолиото на производи и извозот на странските пазари.
- Ни претставува задоволство да го поддржиме „Брако“, еден од водечките производители на жичени и метални производи на Западен Балкан. Континуираната имплементација на нови современи технологии достапни на пазарот, на енергетски ефикасен начин, претставува важен составен дел за конкурентен и успешен бизнис, изјави Јонеску.
Претседателот на Бордот на директори на „Брако“, Кочо Анѓушев посочи дека благодарение на ЕБОР ќе ги реализираат поставените цели на компанијата.
- Посветени сме на постојано проширување на нашите производствени капацитети преку набавка на нова и поефикасна опрема. Сакаме да го подобриме квалитетот на нашите производи, да ги намалиме оперативните трошоци и да го зголемиме производниот капацитет со цел да го задоволиме растот на побарувачката, истакна Анѓушев.
ЕБОР започна да инвестира во македонската економија во 1993 година и до денес има финансирано во 99 проекти со нето кумулативен обем од над 1,6 милијарди евра.
Компанијата „Брако“ се наоѓа во Велес и се занимава со производство на жичани производи, обработка на метални производи н инженерство. Во изминатата деценија инвестираше во развој на нова производствена програма, воведувајќи производи со висока додадена вредност, како што се медицински помагала и мебел, метални додатоци, програма на транспортни ленти, телекомуникациска опрема и опрема за хидроцентрали.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка