Почнува Меѓународната ликовна колонија „Скопје 2016“
Од денеска почнува 11. Меѓународна ликовна колонија „Скопје 2016“ на која ќе учествуваат десетина ликовни уметници од земјава и странство.
Колонијата ќе трае до 1 септември, а ја организираат Град Скопје, Музејот на град Скопје и хотелот „Солун“.
За време на колонијата во просториите на Музејот на град Скопје ќе творат Марина Лешкова, Олгица Антовска, Дороти Пачкова, Беган Деари, Александар Поповски и Глигор Васков од Македонија, како и Ноел Андре Периер од Франција, Александра Мириќ од Србија, Предраг Пеѓа Ракиќевиќ од Србија и Петја Денева од Бугарија.
Намерата на организаторите е на учесниците на колонијата да им се предочи богатата разноликост од архитектура, културна историја и традиција во Скопје. Во близина се наоѓа и Старата скопска чаршија која е интересна по својата архитектура и старите занаети и претставува една од најголемите ориентални чаршии на Балканот.
Меѓународната ликовна колонија „Скопје 2016“ традиционално се одржува под покровителство на градоначалникот на Град Скопје, Коце Трајановски.
Ново на Сител
-
Граѓаните гласаат за седми претседател на државата
-
Изборните денови 24 април и 8 мај неработни за сите граѓани
-
Јавниот превоз во Скопје со неделен возен ред, жичницата на Водно нема да работи
-
Американскиот Сенат одобри 95 милијарди долари помош за Украина, Израел и Тајван
-
Лични документи можат да се подигнат и денеска
-
Променливо облачно со сончеви периоди, на крајот на денот дожд
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор