Почнува 42. Галичка свадба
Во Галичник денеска и утре традиционално ќе се одржи 42. издание на Галичката свадба, која е основен белег на Галичкото културно лето.
Со одлука на Советот на месната заедница Галичник, кој е организатор на манифестацијата, годинашни младенци се Билјана Геговска, која потекнува од старо галичко семејство и Филип Белчев.
Организаторите и годинава очекуваат голем број посетители од земјава и од странство да ја проследат манифестацијата, која нуди впечатливо доживување поради автентичните носии на учесниците во свадбарските обичаи и амфитеатралниот амбиент на Галичник.
Галичката свадба обединува над 30 свадбени обичаи карактеристични за мијачкиот крај од кои повеќето и денес се изведуваат за време на свадбени веселби.
Согласно традицијата, свадбата ќе започне вечер во 19 часот со китење, редење на бајракот и фрлање пушка во вила „Доста“. Ќе следи пречек на топаните, а ќе бидат изведени и „Свекрвино оро“ и „Тешкото оро“ како симбол на пркосот и непокорот. Саботните свадбарски свечености ќе завршат со Одење на вода на три чешми.
Канењето на мртвите е ритуал со кој започнува вториот ден од свеченостите, кога зетот заедно со група од најблиските роднини го посетува гробот на починатите. Следи канењето на кумот, упатување на свадбарската поворка по невестата, нејзино испраќање до домот на младоженецот. Венчавањето на младенците ќе се одржи во црквата „Св. Петар и Павле“, а свдбените церемонии ќе завршат со носење на невестата на вода и заигрување и испраќање на топаните.
Во рамки на овогодишното „Галичко лето“ ќе се одржат книжевна и ликовна колонија. Книжевната колонија „Галичник“, која традиционално се одржува во првата половина на август, поради смртта на истакнатиот поет Тодор Чаловски, по потекло од Галичник, годинава е поместена за средината на септември. Галичката ликовна колонија, пак, годинава ќе угости повеќе домашни и странски уметници, а ќе се одржи од 15 до 23 август.
По повод верскиот празник Преображение ќе биде организирана свеченост, а црквата „Св. Петка“ ќе биде цела ноќ отворена за посетители.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.