Почнува 14. Меѓународна ликовна колонија „Скопје”
Во организација на Музеј на Град Скопје, под финансиско покровителство на Град Скопје, денеска во главниот град ќе започне 14-та Меѓународна ликовна колонија „Скопје”.
На овогодишното издание ќе учествуваат 10 ликовни уметници од кои, според вообичаената селекција, пет се домашни автори и пет се од странство. Како што информираат од Музејот на Град Скопје, годинава ќе бидат домаќини на уметници, секој од нив оригинален и посебен според сликарската техника и стилската определба. Од доашните автори ќе учествуваат: Маја Рауник Кирков, Маја Стефановска, Трајче Чатмов, Христијан Санев и Филип Фидановски, а од странство гостуваат уметниците Скендер Бедриу од Косово, Ипек Денизли од Северен Кипар, Мариана Абрамова од Украина, Зузана Ардо од Велика Британија и Кацпер Дудек од Полска.
Уметниците ќе ги создаваат своите дела во прекрасниот и инспиративен амбиент на хотел Арка, сместен во срцето на Старата скопска чаршија, кој исто така е еден од организаторите на манифестацијата.
Ликовната колонија ќе биде официјално затворање со презентација на создадените ликовни дела на 29 август во 20:30 часот во хотел Арка.
Делата создадени од оваа Колонија ќе бидат изложени во рамките на манифестацијата на Град Скопје за одбележување на Денот на ослободување на Скопје – 13 Ноември.
Ново на Сител
-
Најмногу дожд во Виница 32 литри на квадрат, најстудено на Попова Шапка минус три степени
-
ЦУК апелира на внимателност поради влошувањето на временските услови
-
Затворен аеродромот Манадо поради ерупција на индонезискиот вулкан Руанг
-
Надал: Нема повеќе да се натпреварувам во Барселона
-
Ред Бул има намера да го задржи Перез во 2025 година и да го врати Албон во 2026 година
-
Нов „Блек шарк“ прстен на „Шјаоми“
-
Стартува трката за пратеници, уште пет дена претседателска кампања
-
Во Брисел продолжува дијалогот меѓу Белград и Приштина за употребата на динарот во Косово