Почнува 10.театарски фестивал „Лица без маски“
Под мотото „Остави трага“ вечер почнува 10. јубилејно издание на Интернационалниот театарски фестивал „Лица без маски“ во организација на независната продукција „Театар 007“ и Конгресениот центар „Александар Македонски“.
Селекторот на фестивалот Игор Ивковиќ истакна дека на годинaшниот ИТФ „Лица без маски“ ќе бидат одиграни седум претстави кои, како што рече, критички кореспондираат со суровата реалност во која живее современиот човек насекаде во светот.
- Почнуваме со една жестока политичка сатира на независниот театар од Косово „Ќендра Мултимедија“ со претставата „Неколку актери и неколку свињи и крави и премиер и милка чоколада крава и неколку локални меѓународни инспектори“, која се занимава со прашањето за европската администрација, бирократизација за излегувањето на Велика Британија од европското семејство и како таа празнина да се пополни со евантуалниот влез на Косово во големото европско семејство, информира Ивковиќ.
Според него, „Лице без маски“ како фестивал и концепција можеби индиректно ги поттикнува и македонските театарски уметници да творат независно. Последната година, како што рече, е видлив развојот на Македонската независна продукција, особено преку претставите кои и годинава ги селектиравме во нашата програма.
Директорот на фестивалот Миодраг Костиќ информира дека годинава добиле околу 80 апликации од кои селектирани се седум претстави, кои ќе се изведуваат на повеќе сцени. Отворањето е на сцената на Драмскиот театар, а ќе се користат и сцените на Театар комедија, Домот на АРМ и малата сцена при Конгресениот центар „Алексанар Македонски“. Претставите ќе се изведуваат од 20 часот додека во деновите кога има по две, вторите ќе се играат во 22 часот. Оваа година фестивалот ќе го отвори Снежана Конеска-Руси, а ќе бидат доделени и три награди - за најдобра претстава Гран-при, за режија и најдобра актерска игра.
Во септември годинава, според организаторите, ќе биде издадена монографија во која ќе бидат прикажани сите учесници и освоени награди на фестивалот во рамки на кој биле изведени од 80 до 100 претстави со над 2.000 учесници.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово