Почна втората фаза од регулацијата на Липковска река во должина од 400 метри
Почна изградбата на втората фаза на проектот за регулација на Липковска река, проект на Министерството за животна средина и просторно планирање и УНДП, за заштита од поплави во регионите под висок ризик .
Почетокот на градбата денеска во Липково ја означија министерот за животна средина и просторно планирање Садула Дураки, постојаниот претставник на УНДП Луиза Винтон и градоначалникот на Општина Липково Еркан Арифи.
-Сакам да се заблагодарам на големата поддршка од УНДП и да најавам интензивирање на соработката во иднина, во интерес на жителите на општината и насекаде во државата. Му честитам на градоначалникот за реализацијата на проектот и му посакувам уште многу вакви успешни иницијативи во иднина, рече Дураки.
Винтон ја нагласи поддршката која ја дава УНДП и порача дека општината ќе биде во можност целосно да го заврши овој проект, што е од голема важност за нејзините жители“,
Според градоначалникот Арифи, со овој проект не само што ќе се обезбеди долгорочна заштита од поплави на населението и имотот, туку и естетски ќе се збогати просторот во центарот на општина Липково.
Проектот, вреден околу 200.000 американски долари се изведува со поддршка на Програмата за развој на Обединетите нации, а негова цел е довршување на регулацијатата на реката во должина од дополнителни 400 метри, со што ќе се намали ризикот од поплави.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка