Почна шпицот во наводнувањето од ХМС „Тиквеш”
Почна шпицот во наводнувачката сезона со вода од хидромелиоративниот систем „Тиквеш”, информира денеска Илија Темелковски, технички директор во Водостопанство „Тиквеш” од Кавадарци.
- Дводневната пауза во наводнувањето поради редовното чистење на каналите од алги, но и пеколните горештини си го направија своето. Сега сите сакаат да наводнуваат, рече Темелковски.
Тој истакна дека побарувачката за вода за наводнување во моментов е поголема од капацитетот на системот кој е максимално искористен и изнесува 10 илјади литри вода во секунда.
- На терен имаме зголемен број на работници кои вршат повремени редукции на одделни линии со цел сите водокорисници да добијат вода за наводнување за своите земјоделски култури, соопшти директорот.
Темелковски додаде дека годинава околу 8.500 хектари ќе бидат опфатени со наводнување од овој систем кој обезбедува вода во неколку општини. Дневно, со вода од Тиквешкото Езеро се наводнуваат и до 700 хектари земјоделска површина.
Ново на Сител
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци
-
Венеција почнува да наплаќа влезници
-
ДИК објави упатство за гласање на претседателските избори
-
Избирачкиот список намален за 10 000 гласачи
-
Претседателски избори ќе ги следат 342 домашни и 568 странски набљудувачи