Почна протестот во Атина против Договорот од Преспа
Со грчки знамиња и со плакати со пораки „Македонија е грчка”, „Референдум сега” и извикувајќи слични слогани меѓу кои и „Овој Договор е предавство”, Грците излегоа на протест на плоштадот „Синтагма“ пред грчкиот Парламент, одговарајќи на повикот на организаторите од т. н. Комитет за одбрана на грчкиот карактер на Македонија за да го кренат својот глас против Договорот од Преспа, јави дописничката на МИА од Атина.
Иако закажан за 14 часот по локално време, граѓаните уште два часа претходно почнаа да се собираат пред грчкиот Парламент.
Организаторите поставија и бина, а официјално не се соопштени имињата на главните говорници, но уште пред официјалниот почеток, на присутните им се обраќаат претставници и членови на организациите и здруженијата што го поддржуваат протестот.
Меѓу граѓаните има и поддржувачи на „Златна зора“ кои на улиците околу грчкиот Парламент фрлија флаери со пораки дека Македонија е грчка.
На „Синтагма“ заедно со граѓаните се и голем број свештени лица.
Центарот на Атина, јавува дописничката на МИА од Атина, е под силно полициско обезбедување.
Ново на Сител
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите