Почна пријавувањето на штетите од пожарот во „Глобал“ во Општинската комисија за проценка
Сопствениците и корисниците на деловни објекти, кои претрпеа штети од пожарот во Трговскиот центар „Глобал“, почнаа да ги доставуваат барањата за финансиска помош до Општинската комисија за проценка на штети од елементарни и други непогоди.
Според Ацо Ѓоргиев, претседател на комисијата, досега се поднесени десет барања.
-Според единствената методологија за проценка на штети од елементарни и други непогоди, правните лица сами ја проценуваат штетата формирајќи сопствена комисија. Пополнетите формулари ги доставуваат до Општинската комисија, која како збирен извештај го доставува до Советот на општина Струмица и по неговото усвојување ќе биде доставен до Републичката комисија за проценка на штети, а ќе биде даден на разгледување и во Бирото за судски вештачења, појаснува Ѓоргиев.
Додава дека во наредниот период се очекува зголемување на бројот на пријавителите и откако ќе бидат доставени сите барања Општинската комисија ќе ги сублимира во заеднички извештај за штетата.
По пожарот, Општина Струмица им отстапи една просторија во општинската зграда на сопствениците и корисниците, каде заедно со членовите на Општинската комисија точно и навремено можат да ги пополнат формуларите.
Во пожарот, кој избувна ноќта на 2 јануари, опожарен е голем дел од Градскиот пазар, повеќе продавници на приземјето и првиот кат, дел од вториот и третиот, а урнат е и дел од покривот.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено