Почна постапката за изградба на врмена депонија во општина Гевгелија

Општина Гевгелија денеска ја почна постапката за изградба на времена депонија за неопасен отпад кај селото Ново Конско со ставањето на јавен увид и консултација со јавноста на нацрт извештајот за стратегиската оценка и нејзиното влијание врз животната средина.

- На граѓаните со оваа постапка им е овозможено да имаат целосен увид во комплетната документација и влијанието на објектот кој ќе биде граден и уреден по светски стандарди кои гарантираат обезбедување целосна заштита на животната средина, велат од општината.

Проектот предвидува санитарната депонија за неопасен цврст отпад да се простира на површина од 2 хектара, оддалечена 7 километри од Гевгелија и 1,3 километри од најблиското населено место Ново Конско.
Депонијата ќе се гради со јапонски грант преку УНДП програмата за помош на општините кои беа зафатени со бегалската криза и ќе обезбеди целосна дистрибуција и депонирање на комуналниот отпад на најсовремен начин.