Почна палењето стрништа во Пијанец и Малеш
Се почеста појавата на палење стрништа на крајниот Исток од државата. Надлежните од противпожарните служби од Пијанечко-малешевскиот регион со апел да се пријавуваат ваквите појави од страна на граѓаните, бидејќи се едни од најчестите предизвикувачи на огнени стихии.
-Имаме релативно топло време кое е погодно за пожари, чии главни предизвикувачи се запалени стрништа. Поради палењето стрништата и сувата трева често зафатени се шумските површини, гори борова шума, овошни насади, багрем, нискостеблеста деградирана шума во приватна и државна сопственост. Поради тоа под итно апелираме оваа појава да престане, велат пожарникарите од делчевската и беровската Територијална противпожарна единица.
Палењето оган на отворено е забрането, поради што за сторителите предвидени си високи парични казни, во износ и до 5.000 евра. Годинава во Пијанечко-малешевскиот регион во споредба со минатата година како што додадоа пожарникарите е намален бројот на пожари.
-Најголем дел од интервенциите се на пожари на објекти и на отворен и затворен простор. За среќа тие се во помал обем од минатата година, при што особено се зачувани шумските подрачја, каде речиси и да немаше пожари годинава, додадоа пожарникарите од општините Делчево и Берово.
Од Територијалните противпожарни единици за време на летните горештини, испратија апел до граѓаните да ги почитуваат препораките за движење во шума и притоа да избегнуваат палење на оган на отворено.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората