Почна новогодишното украсување на Гевеглија

Во Гевгелија денеска почна новогодишното украсување на градот, за што се издвоени средства од општинскиот буџет.

Новогодишно, како што соопшти информативната служба на општината, ќе бидат украсени улиците на влезниот и централниот дел на градот, и тоа булевар „Гевгелија“, „Слободан Митров-Данко“, „7 Ноември“, „Маршал Тито“ и на „Димитар Влахов“. Со атрактивно ѕвездено небо ќе биде прекриено градското шеталиште.

За комплетирање на новогодишниот амбиент ќе бидат поставени и две елки од кои една на кружниот тек на булевар „Гевгелија“, а другата на шеталиштето во центарот на градот. На новогодишниот амбиент му се воодушевуваат и бројните гости од Грција кои деновиве помасовно почнаа да тргуваат во супермаркетите во пресрет на нивните божиќни празници.