Почна кампања „Посета на 1.000 села во Македонија“
Агенцијата за поттикнување на развојот на земјоделството-АПРЗ со седиште во Битола ја почна кампањата „Посета на 1.000 села во Македонија“.
Од АПРЗ информираат дека кампањата почна од битолското село Бистрица, ќе се одвива во осумте региони и ќе заврши до крајот на мај со информативен настан во охридското село Оровник.
- Главни теми во текот на кампањата се информациите поврзани со програмите за поддршка што ги нуди Владата на Република Македонија, програмата ИПАРД-2 (2014-2020) и кампања за осигурување на земјоделските имоти. Во над илјада села во Македонија ќе вршиме презентирање на новиот вид на земјоделско осигурување бидејќи сакаме да се зголеми бројот на земјоделски осигуреници кои треба да се навикнат да ги осигуруваат своите имоти и површини. Земјоделското осигурување е приоритет во аграрната политика на државата, обезбедени се поволности и владино кофинансирање и затоа низ оваа кампања земјоделците ќе бидат изворно информирани, посочуваат од секторот за односи со јавност на АПРЗ.
Според програмата за реализација на кампањата „Посета на 1.000 села во Македонија“, во пелагонискиот регион ќе бидат посетени 189 села, во вардарскиот регион 170, во југоисточниот 114 села, во источниот регион 146, североисточниот 123, во скопскиот регион 70, во полошкиот 72 и во југозападниот регион ќе бидат посетени 116 села.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање