Почна „Каменичко културно лето 2018“
Со концерт на неколку познати македонски музички имиња во Македонска Каменица синоќа почна манифестацијата „Каменичко културно лето“.
Во рамки на првиот ден од програмата настапија ансамблот на народни игри и песни од Белица, Република Бугарија, a многубројните посетители на градскиот плоштад во Македонска Каменица, уживаа во музиката на Елена Велевска и Тамара Тодевска.
Како што информираше директорот на КИЦ „Романса“, Горан Огнановски во соработка со општината на годинешново „Каменичко културно лето 2018“ ќе настапат и повеќе локални музички групи и диџеи.
- Посетителите имаа можност да присуствуваат на убава музичка дружба со гостите од Белица, Бугарија и македонските музички звезди Тамара Тодевска и Елена Велевска. Програмата продолжува вечерва со концерт на Слаткаристика и музичката група С.А.Р.С, додека главното збиднување е утре кога концерт ќе одржат балканските звезди Ален Исламовиќ и Јелена Розга, рече Огнановски.
„Каменичко културно лето“ се одржува како дел од одбележувањето на празникот на градот.
- Ова е манифестација која секоја година се оддржува во периодот од 26 до 28 август и во себе ги сплотува трите значајни празници на нашиот град, 28-ми август, Ден на општина Македонска Каменица, Ден на рударите и големиот христијански празник и заштитник на рударите „Успение на Пресвета Богородица“, изјави Соња Стаменкова градоначалничка на Македонска Каменица.
Таа упати покана до сите љубители на добрата забава и целата македонска јавност да присуствуваат на концертите кои ќе следуваат во преостанатите два дена од „Каменичкото културно лето 2018“ со што заеднички ќе се придонесе за промоција на Македонска Каменица како добар домаќин и центар на културните збиднувања во регионот и пошироко.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка