Македонија
3. јуни 2016 - 16:59

Почна изградбата на локален пат меѓу селата Врсаково и Долно Трогерци

Почна изградба на пат меѓу штипското село Врсаково и карбинското село Долно Трогерци. Александар Југов вработен во општина Штип информира дека градежните екипи денеска почнуваат со асфалтирање на патот кој е во должина од над четири километри.

- Од Агенцијата за рурален развој и подршка на земјоделството одвоени се 17 милиони денари, а од општина Штип се одвоени седум милиони денари и со овие фиансиски средства ќе се покрие реализацијата на проектот. Се очекува за 10 дена да биде асфалтиран овој локален пат, а на Судичка река ќе се гради и плочест пропуст, вели Југов.

По изградбата на локалниот пат меѓу селата Врсаково и Долно Трогерци, градежните екипи ќе го санираат и локалниот пат меѓу селата Судиќ и Врсаково.