Почна асфалтирањето на обиколницата во Штип
Градежната компанија „Актива“ од денеска почна со асфалтирање на обиколницата од населбата „Сењак„ до булеварот „Гоце Делчев“. Директорот на ЈП „Стипион“, Игно Иванов на денешната прес-конференција истакна дека во првата фаза се асфалтираат околу еден километар, до крајот на градежната сезона се очекува да биде поставен и мостот на реката Брегалница кој е во должина од 60 метри, а инвестицијата на општина Штип изнесува околу 43 милиони денари со ДДВ.
Иванов потенцира дека оваа обиколница ќе значи растоварување на сообраќајот по булеварот „Гоце Делчев“ и кај Камениот мост, а жителите на поголемите штипски населби „Сењак“, „Баби“, „Дузлак“, „Дузлачки рид“, „Света Недела“ и „Автокоманда“ ќе имаат директна врска со индустрискиот дел на градот.
- Компанијата „Актива“, која пред пет до шест месеци го започна овој проект, веќе започнува со асфалтирање. Во тек е и изградбата на мостот кој што е во должина од 60 метри. Тука не застануваме овој пат ќе продолжи и преку улицата „Велјко Влаховиќ“ и ќе завршува до бањата Кежовица, изјави Иванов.
Ширината на коловозот на обиколницата е седум метри, а ќе има и тротоарна површина од два метра, за безбедност на пешаците кои ќе се движат или се враќаат од индустрискиот дел на Штип. Предвидена е и изградба на кружен тек на булеварот „Гоце Делчев“, кај поранешна „Алумина“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово