Почна 34. издание на „Истибањско здравоживо 2019“
Со претставување на фолклорните ансамбли од Европа, Азија и Америка, во виничкото село Истибања почна Меѓународниот фестивал „Истибањско Здравоживо 2019“.
Како што информираше Стојко Митковски, раководител на фолклорниот ансамбл „Китка“ кој е организатор на настанот, фестивалот годинава ќе трае пет дена, а ќе заврши во среда, со концерт на плоштадот „Ангел Винички“ во Виница.
-Фестивалот е во организација на ансамблот „Китка“ од Истибања. Имаме учесници од три континенти, од Азија, Европа и од Америка. Фестивалот беше отворен со традиционалното дефиле, потоа следува зажневањето на ориз, во вторник имаме фолклорен караван во Македонска Каменица, а на официјалното затворање ќе се одржи заеднички концерт на групите учеснички, истакна Митковски.
Меѓу учесниците на „Истибањско Здравоживо 2019“ се најдоа и учесници од Израел и Украина, кои настапија со танци од својот крај.
- Доаѓаме од Украина, од мало место Славута. Групата се вика Перлинка, постоиме 22 години, а ќе се претставиме со танци и игри од нашиот регион, рекоа гостите од Украина.
Свој настап на фестивалот имаа и претставници од Соединетите Американски Држави, кои како што информираше Беки Колтер, раководител на групата, првпат гостуваат во село Истибања.
„Истибањско Здравоживо“ годинава се одржува 34. пат и финансиски е поддржан од Општина Виница.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово