Почина писателот и новинарот Петко Шипинкаровски
Во Струга денеска почина македонскиот писател Петко Шипинкаровски.
Роден е на 22 септември 1946 година во битолското село Будимирци, но повеќе од 40 години живееше и твореше во Струга.
Автор е на многу романи, романизирани монографии, раскази, поезија, драма, раскази за деца, критики и есеи. Неговото плодно творештво со над 20 објавени авторски изданија е значаен придонес во вредносниот систем на современата македонска литература.
Неговите романи, раскази, песни и есеи преведени се на повеќе јазици, особено внимание кај меѓународната јавност предизвика неговиот роман „Утринска молитва“ посветен на животот на битолските евреи. Добитник е на многубројни меѓународни литературни награди и признанија.
Тој беше член на Македонското друштво на писатели, како и на Здружението на новинарите на Македонија. Шипинкаровски беше и претседател на Културниот центар „Бран“ од Струга што 20 години ја издаваше меѓународната ревија за литератира „Бранувања“, како и организатор на „Струшките книжевни средби“, манифестација со меѓународно учество на автори кои дискутираа на одредени актуелни теми.
Погребот ќе се изврши утре во 13 часот, на градските гробишта во Струга.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари