Балкан
11. November 2016 - 10:57

Почина околискиот управник на Мардин, ранет во вчерашниот напад врз околиската управа

Во текот на раните утрински часови во болницата во Газиантеп почина околискиот управник на Мардин, округ во југоисточна Турција, кој вчера беше ранет во бомбашкиот напад врз зградата на управата во градот Дерик, пренесоа агенциите.

Турските власти сметаат дека нападот е извршен од бунтовниците на Курдската работничка партија (ПКК).

Во експлозијата беа ранети три лица, меѓу кои локалниот околиски управник Мухамет Фатих Сафитурк, прецизураат британските медиуми.

Сафитурк беше назначен на оваа функција во јули годинава, како дел од масовните смени, преземени од страна на официјална Анкара, со кои избраните градоначалници беа заменети со редица администратори, назначени од државата, и тоа гладно во курдските општини.