Почина грчкиот пекар кој бесплатно им делеше леб на мигрантите
Грчкиот пекар Дионисис Арванитакис, кој бесплатно ги снабдуваше со леб бегалците кои пристигнуваа на грчките острови, почина вчера, на возраст од 77 години.
Тој во март 2015 година почна да подарува по 100 килограми леб дневно не бегалците кои пристигнуваа на островот Кос. – Знам какво е чувството кога немаш ништо, велеше Арванитакис.
Претседателот на Европската комисија Жан-Клод Јункер во соопштение изрази почит за „примерниот европски граѓанин“, кој покажа „невообичаена дарежливост и сочувство со стотиците несреќни мигранти“.
„Мојата Европа е онаа која ја симболизира Дионисис Арванитакис“, истакна Јункер.
Арванитакис потекнува од сиромашно десетчлено семејство, а во 16-та година емигрирал во Австралија. Подоцна се вратил во Грција и се населил на островот Кос во 1970 година, каде од заштедата отворил своја пекара.
Ново на Сител
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место