Почина четиримесечно бебе во Кочани
Почина четиримесечно бебе во Општата болница во Кочани. Во писменото соопштение од СВР-Штип се вели дека вчера во 15.55 часот во Полициската станица Кочани, од Јавната здравствена установа во Кочани било пријавено дека околу 15.10 часот за укажување на лекарска помош од страна на родителите било донесено дете на возраст од околу четири месеци.
Околу 16.00 часот, и покрај укажаната лекарска помош, детето починало. По наредба на ОЈО била извршена обдукција, а потоа телото било предадено на родителите.
Во соопштението од СВР-Штип се наведува дека на подрачјето на СВР Штип во текот на изминатото деноноќие на пет лица им се издадени решенија за изолација.
Од страна на полициски службеници извршени се 60 контроли над лица во изолација и 81 над лица во самоизолација. Едно лице не го почитувало Решението за изолација.Забраната за движење не ја почитувале две лица, истите се приведени , земени им се податоци и ќе следуваат соодветни мерки. Поднесени се две известувања и 10 кривични пријави по чл.206 од КЗ. Контролирани се вкупно 154 објекти.
Ново на Сител
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција