Живот
19. July 2020 - 20:39

По преживеан мозочен удар, Италијанец прозборел со словенски акцент

Еден неименуван Италијанец по мозочен удар проговорил со словенски акцент. Италијанецот никогаш не престојувал во држави од словенско говорно подрачје. Ова е меѓу првите медицински документирани случаи од овој вид.

Италијанецот оздравел откако пред три години доживеал мозочен удар во десната хемисфера од мозокот, и како што наведува порталот today.it нема когнитивен дефицит, ама зборува со странски акцент.

Тоа е прв случај во Италија, а трет во светот кој се однесува на мозочен удар во десната хемисфера од мозокот.

Студијата за случајот на 50-годишниот Италијанец кој по мозочен удар проговорил со странски акцент, на тим научници предоводени од Константинос Прифтис од Универзитетот Падова, ја објави списанието Кортекс.

Како што е наведено, анализата покажала дека „повредата на мозокот предизвикала промена на местото и начинот на артикулација на некои самогласки кај пациентот што довело до перцепција на странски акцент“.