Плоштадот „Гоце Делчев“ во Пустец добива нов лик
Забрзано се одвиваат работите на проектот за реконструкција на плоштадот „Гоце Делчев“ во Пустец, со чија рализација седиштето на општината ќе добие нов современ лик.
Градоначалникот на Пустец, единствена македонска општина во Албанија, Едмонд Темелко рече дека благодарение на поволните временски услови работите се одвиваат со забрзана динамика и доколку се оди според планот плоштадот треба да биде завршен до крајот на март.
- Со тоа Пустец, како седиште на нашата општина ќе добие нов урбан лик, истакна Темелко, додавајќи дека плоштадот, кој се наоѓа во близина на црквата „Св.Архангел и Михаил“ е проект финансиран од Фондот за развој на Албанија во висина од 29.097.058 леки.
Проектот предвидува поплочување на плоштадот, изградба на канализација за отпадни води, поставување клупи за одмор, засадување дрвја и хортикултурно уредување, како и обнова на фасадите на околните објекти.
Со цел да се запознае одблиску со текот на работите деновиве во Пустец престојуваше Енглантина Ѓермени, министерка за урбан развој во албанската влада. Таа имаше средба со градоначалникот Темелко, а ја посети и црквата „Св.Архангел Михаил“.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.