Плевнелиев: Соработката меѓу ЕУ и Турција клучна за ограничување на имиграцијата
Зајакнувањето на соработката меѓу ЕУ и Турција е од клучно значење за ограничување на приливот на илегални имигранти кон Европа и за зголемување на безбедноста на надворешните граници на Унија, изјави синоќа во Софија бугарскиот претседател Росен Плевнелиев на средбата со турскиот премиер Ахмет Давутоглу.
Како што јави БТА, Плевнелиев нагласил дека кризите на Блискиот Исток и во Северна Африја генерираат нестабилност и претставуваат предизвик, како за членките на ЕУ, така и за Турција, па затоа е потребно преземање заеднички мерки.
Бугарскиот претседател изразил поддршка на мерките што ги презема Турција за справување со бегалскиот прилив и ги поздравил напорите на турските власти за обезбедување на границата меѓу двете земји и за спречувеање на влез на поголеми групи имигранти во Бугарија.
Плевнелиев и Давутоглу разговарале и за засилување на билатералната соработка во сферата на енергетиката, при што нагласиле дека диверзификацијата на изворите на енергија е од клучно значење не само за регионот на Југоисотчна Европа, туку и за целата ЕУ.
Ново на Сител
-
ВО ЖИВО: Нема настава во сабота
-
Тема на денот со претседателот на ДИК, Александар Даштевски
-
ССК: Кога среда е неработен ден, сте ја изгубиле цела недела
-
Во Југоистокот на државата запишани 1547 болни и изнемоштени лица
-
ВО ЖИВО: Подготовки во ДИК
-
Гласање во затвор „Идризово“, запишани 887 избирачи
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители