Плевнелиев го одбил Борисов да биде претседателски кандидат на ГЕРБ за изборите во ноември
Поранешниот бугарски претседател, Росен Плевнелиев, го одбил предлогот на партијата на Бојко Борисов, ГЕРБ, да биде нивни кандидат за претседател на изборите во Бугарија на 14 ноември, изјави самиот тој за телевизијата „Бугарска On Air“.
Како што јави дописникот на МИА од Софија, Плевнелиев, кој беше претседател на Бугарија од 2012 до 2017 година, остварил телефонски разговор со поранешниот премиер Борисов.
Пред два месеци, Плевнелиев разговарал со Борисов кога искрено и чесно му кажал зошто не може да биде претседателски кандидат на ГЕРБ.
Тој ја смета за неуспешна стратегијата на лидерот на ГЕРБ, Бојко Борисов, да се соочи во претседателската битка со Румен Радев. Според него, предложениот кандидат на поранешната владеачка партија задолжително треба да биде натпартиски и го повика Борисов да не ја повтори грешката со кандидатурата на поранешната претседателка на Националното собрание, Цецка Цачева, која беше претседателски кандидат на ГЕРБ во 2016 година, кога победи Румен Радев.
Плевнелиев не ја пропушти шансата да го нападне Румен Радев, нарекувајќи го популист.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор