ПКК најверојатно одговорна за падот на турскиот хеликоптер во петокот

Турскиот воен хелкоптер кој се урна во петокот на 13 мај, при што загинаа осум војници, најверојатно бил соборен од припадници на Курдската работничка партија (ПКК), соопштија денеска Вооружените сили на Турција.

Во соопштението се посочува дека хеликоптерот бил погоден со ракета земја-воздух, која најверојатно била истрелана од припадници на ПКК.

- Хеликоптерот, кој се наоѓаше во мисија, можно е да бил погоден и соборен, најверојатно со ракета истрелана од земја, се истакнува во соопштенеито.

Турските медиуми јавуваат дека истрагата за овиј инцидент и натаму продолжува.