Петнаесет Ромки вработени преку проект за социјално претприемништво
Петнаесет Ромки поминаа обука и се вработија во социјалното претпријатие за професионална грижа на стари лица во домашни услови „Нега плус“, отворено преку проектот за зајакнување на Ромките во општеството, спроведен со финансии од Европската унија.
- Поддржавме 15 Ромки на кои им овозможивме да ги развиваат своите работни вештини, потоа да се вработат и конечно да ја остварат својата економска независност. Сите тие и се надевам и многу други во иднина ќе имаат можност да се вработуваат и да заработуваат, рече денеска на прес-конференција Драгана Каревска Чемерска, програмски раководител на Асоцијацијата за здравствена едукација и истражување ХЕРА, која е носител на проектот.
Каревска Чемерска истакна дека со партнерските организации од кои е дел француската групација СОС осмислиле алтернативни безбедни форми за остварување приходи водени од потенцијалот на социјалното претприемништво како иновативен модел за промоција на социјалната инклузија, ресоцијализацијата и вработувањето на ранливите групи граѓани.
Во тек на проектот се работело и на надградба на капацитетите на граѓанските организации кои сакаат да отворат социјални бизниси. Изготвена е и Предлог програма за развој на социјално претпримеништво на општина Центар за 2018 година, како и Стратегија за финансиски механизми за социјални претпријатија кои постојат во Македонија.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.