Петмина повредени и 10 исчезнати морнари при судир на американски воен брод и танкер
Десетмина морнари се водат како исчезнати, а петмина се повредени, откако денеска американски воен брод со судри со трговски брод источно од Сингапур, соопштија воено-поморските сили на САД, јави Би-Би-Си.
Четворица од петмината повредени биле веднаш префрлени со хеликоптер во болница во Сингапур, и се надвор од животна опасност.
Ракетниот разурнувач „Џон С. Мекејн“ се судрил со танкерот „Алник Ем Си“ на пат кон пристаништето на Сингапур. Според соопштението на ВМС „во моментот се спроведува спасувачка операција во координација со локалните власти“. Во акцијата учествуваат извлекувачи од Сингапур, воениот брод од флотата на Сингапур „Галант“, хеликоптери и полициски брод на сингапурската крајбрежна стража „Баскинг шарк“, но и хеликоптери Ем Ви „Оспри“ и Ес Ејч-60 „Си Хок“ од американскиот воен брод „Америка“.
Американскиот претседател Доналд Трамп напиша на Твитер дека неговите мисли и молитви се со морнарите од американскиот воен брод.
Ова е втор инцидент со американски ракетни разурнувачи во азиските води за помалку од два месеца.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок