Пет сообраќајки во Скопје, тешко повреден пешак
Пешак се здобил со тешки телесни повреди, а едно лице е полесно повредено во две од вкупно пет сообраќајки во текот на вчерашниот ден на подрачјето на СВР Скопје. Во три сообраќајки била причинета материјална штета.
Од МВР информираат дека вчера сообраќајната полиција открила и санкционирала 27 возачи кои се движеле со брзина поголема од дозволената, тројца поминале на крстосница на црвено светло, двајца возачи не дале првенство на минување на пешаците на обележан пешачки премин, четворица возачи за неправилно престројување, еден возач за неправилно престигнување, двајца не дале пренство на минување на возила во зона на крстосница, тројца за непоседување зимска опрема во возилата, 11 возачи за неносење сигурносен појас и 14 возачи користеле мобилен телефон за време на управување на моторно возило.
Од сообраќај биле исклучени тројца возачи кои го управувале возилото под дејство на алкохол, 18 возачи пред да се стекнат со право на управување на моторно возило и пет возачи почетници, како и пет технички неисправни возила и 11 нерегистрирани возила.
Затекнати биле 104 непрописно паркирани возила, а со специјалното возило „пајак“ биле отстранети 85 возила.
Во текот на денот Одделението за превенција при СВР Скопје ќе реализира едукатини работилници во ООУ „Блаже Коневски“ на подрачјето на општина Аеродром, со ученици од четврто одделение, во рамките на сообраќајно воспитниот проект „Да ги заштитиме децата во сообраќајот“.
Ново на Сител
-
СПM не е изненадена од одлуката со која Јакимовски и Јанева се ставени на Црната листа на САД
-
Нотингем Форест казнет со четири бодови
-
Агелер: САД ќе продолжат да ги именуваат функционерите вклучени во корупција
-
Тепачка на фудбалски натпревар во Богомила: Се степале двете екипи и публиката
-
Нападнат возач на ЈСП
-
Кабинет на Тренчевска: Велковски без конкретни информации излегува со лажни обвиненија
-
Kaтица Јанева и Стевче Јакимовски завршија на црната листа на САД
-
Јакимовски ја потврди кандидатурата за претседател пред Државната изборна комисија