Македонија
12. May 2017 - 14:27

„Песни за татковината“ монодрама на Петар Темелковки

Актерот Петар Темелковски денеска ќе им се претстави на гевгеличани со монодрамата „Песни за татковината“ од Никола Јонков Вапцаров, која премиерно беше изведена минатиот месец во Велес.

- Вапцаров е редок поет кој е преведуван на стотина јазици. Тој е поет на целиот свет, бидејќи напишал толку многу песни за својата земја и воопшто за праведно човештво, рече Темелковски нагласувајќи дека Вапцаров преку повеќе случки од својот живот докажал дека е голем патриот и храбар човек.

Авторскиот проект на Петар Темелковски, работен по повод 75 годишнината од смртта на македонскиот револуционер, хуманист и поет, Никола Јонков Вапцаров, финансиски е подржан од Министерството за култура на Република Македонија. За претставата во Гевгелија влезот е бесплатен.