Песков: Нема промена во режимот на специјалната воена операција во Украина
Портпаролот на Кремљ, Дмитриј Песков, денеска изјави дека сè уште не е донесена одлука за промена на режимот на специјалната воена операција во Украина, пренесе Бета.
Песков ги коментираше извештаите за претстојната промена на режимот на специјалната воена операција во Украина во режим на антитерористичка операција, за која денеска пишуваа некои руски недржавни медиуми. -Тоа е целосно привилегија на врховниот командант и претседател на државата. До денеска такви одлуки не се донесени, одговори Песков. Портпаролот на Кремљ, исто така, ги демантираше извештаите за подготовка на претседателско обраќање во кое се најавува промена на статусот на специјалната воена операција.
-Не, нема да биде, тоа е лажна вест, рече Песков. Песков оцени дека коментарите на функционер на Пентагон дека Украина може да ја користи опремата што ја добива од САД за напади врз цели на Крим се крајно опасни. Коментарите на Лора Купер, заменик-помошник секретар на Пентагон за руски, украински и евроазиски прашања, се „исклучително опасни“ и „доказ за директно вмешаност на САД во конфликтот“, додаде Песков.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас