Свет
7. December 2017 - 9:12

Пентагон соопшти нови податоци за бројноста на своите војници во Сирија

Министерството за одбрана на САД соопшти дека во Сирија има околу 2.000 американски војници, што е четири пати повеќе од бројката која месецов ја соопштија други официјални претставници.

Оваа информација ја соопшти портпаролот на Пентагон, полковник Роб Менинг, кој истакна дека бројот на американските војници во Сирија се намалува.

Тој исто така рече дека САД во Ирак имаат околу 2.500 војници и оти и таму се намалуваат, затоа што и во двете земји, коалициите предводени од САД преминуваат од поддршка на одбранбените борбени операции против Исламска држава, кон поддршка на напорите на локалните безбедносни сили во спречување на дејствувањето на џихадистите.