Свет
12. January 2017 - 9:05

Пентагон придвижува радари кон Ањаска како одговор на закани од Пјонгјанг

Пентагон издал наредба за дислоцирање радари што биле северно од Хаваи кон Аљаска. Тоа е прва мерка преземена како реакција на МО на САД за плановите на Северна Кореја да изврши проби со интерконтинентална балистичка ракета, јави Си-Ен-Ен.

Според нив, тој тип на радари (ЅВ-Х) имаат можност да собираат повеќе податоци за ракети со голем дострел. Во овој случај, радарот ќе им дозволи да пресретнат ракети испукани кон Аљаска, островот Гуам и западниот брег на САД, наведува медиумот.

Минатата недела шефот на Пентагон Ештон Картер изјави дека САД се подготвени да соборат ракети испукани од територија на Северна Кореја ако тие се закана за САД или нивни сојузници.